Y manteision o gael cyfrif Cyngor Celfyddydau Cymru
Mae ein hadran swyddi a newyddion yn cynnwys deunydd wedi ei gynhyrchu (yn bennaf) gan ddefnyddwyr. Hynny yw, mae yr hyn a welwch yn yr adran hon o'r safle yn swyddi, cyfleoedd a datganiadau i'r wasg a ychwanegwyd gan sefydliadau o fewn maes y celfyddydau.
Os oes gennych swydd, neu gyfle, neu ddatganiad i'r wasg sy'n ymwneud â’r diwydiannau creadigol yng Nghymru yna medrwch greu cyfrif a chyflwyno eich gwybodaeth yma, nawr.
Dywedwch fwy wrtha i am beth dw i’n gallu ei gyflwyno
Swyddi neu gyfleoedd
Mae'r rhain yn swyddi neu gyfleoedd artistig sy'n ymwneud â'r diwydiannau creadigol yng Nghymru. Fel popeth ar ein safle, mae angen i’r manylion hyn gael eu cyflwyno yn ddwyieithog – yn Gymraeg ac yn Saesneg. Peidiwch ag anghofio cynnwys eich manylion cyswllt, y dyddiad cau, ac unrhyw wybodaeth bellach y credwch allai fod yn ddefnyddiol i ddarpar ymgeisydd.
Datganiadau i'r wasg
A oes gennych ddatganiad dwyieithog i'r wasg ynghylch datblygiad cyffrous o fewn y diwydiannau creadigol yng Nghymru? Gallwch gyflwyno eich stori i ni, ynghyd â llun o ansawdd uchel, a byddwn yn gwirio’r stori cyn ei chyhoeddi ar y safle. Os nad ydych chi’n siŵr a yw eich stori yn addas ar gyfer safle Cyngor Celfyddydau Cymru, cysylltwch â ni i gael gair, unrhyw bryd.
Ymwadiad
Gall trydydd parti greu cyfrif ac uwchlwytho gwybodaeth i'r adran 'Swyddi a newyddion' i bobl eraill ei gweld a'i defnyddio. Gall fod yn y wybodaeth safbwynt nad yw’r Cyngor yn cytuno ag ef o reidrwydd. Felly, peidiwch â chymryd ein bod yn cymeradwyo’r safbwynt. Nid ydym ni ychwaith yn cymryd cyfrifoldeb am unrhyw ddeunydd neu wefan y mae modd eu cyrraedd drwy ddolen mae trydydd parti wedi’i rhoi yno.
Canllawiau hanfodol
Peidiwch â chyflwyno cynnwys sy’n tramgwyddo neu sy’n dangos amharch mewn unrhyw fodd.
Iaith sarhaus: Rhaid i chi beidio â defnyddio geiriau neu dermau sarhaus mewn cynnwys a fydd yn ymddangos ar wefan celf.cymru, gan gynnwys o fewn atodiadau. Mae hyn yn cynnwys defnyddio rhegfeydd a geiriau mewn cyd-destun sarhaus ynghylch:
• hil
• ethnigrwydd
• cenedligrwydd
• crefydd
• anabledd
• iechyd meddwl
• hunaniaeth rhywedd
• cyfeiriadedd rhywiol
• rhannau o'r corff
• cyfeiriadau rhywiol
Peidiwch â chyflwyno cynnwys a allai:
• fod yn fwriadol anghywir neu'n gamarweiniol
• gynnwys deunydd trydydd parti a ddiogelir gan hawlfraint deallusol heb ganiatâd y trydydd parti
• gynnwys firysau, ffeiliau llygredig neu unrhyw gynnwys maleisus tebyg
Rydym yn cadw'r hawl i wrthod neu dynnu cynnwys a allai gynnwys unrhyw un o'r uchod oddi ar y wefan.