Mae'r Ganolfan Addysg Cerddoriaeth a Chyfiawnder Cymdeithasol ym Mhrifysgol Southampton yn dod ag academyddion ac unigolion anacademaidd ynghyd i gysylltu ymchwil cerddoriaeth â materion yn y byd go iawn, gan arwain at newid ystyrlon mewn cymunedau cerddorol ledled y DU.
Mae’r Ganolfan hefyd yn gartref i’r ‘Hyb AHRC ar gyfer Ymgysylltu Cyhoeddus ag Ymchwil Cerddoriaeth’ gan feithrin cydweithio rhwng ymchwilwyr, eiriolwyr cyfiawnder cymdeithasol, a grwpiau heb gynrychiolaeth ddigonol—fel y dosbarth gweithiol, lleiafrifoedd ethnig, cerddorion anabl, ac unigolion â heriau iechyd meddwl.
Mae’r Hyb AHRC newydd ar gyfer Ymgysylltu Cyhoeddus ag Ymchwil Cerddoriaeth yn brosiect cyntaf o’i fath i fynd i'r afael ag anghydraddoldebau mewn cerddoriaeth ac i wella'r cysylltiadau rhwng ymchwil cerddoriaeth a'r cyhoedd. Dros ddwy flynedd, bydd yn darparu amrywiaeth o gyfleoedd hyfforddi a rhwydweithio gan gynnwys cyllid ar gyfer pedwar prosiect sy'n canolbwyntio ar y themâu canlynol: iechyd a lles, cymunedau dinesig a chydlynol, addysg greadigol ac arloesedd technolegol.
Mae’r Hyb wedi ymrwymo i fod yn llwyfan ar gyfer y DU gyfan a bydd yn mynd ar daith fer ym mis Tachwedd a Rhagfyr gan ymweld â Chymru, yr Alban a Gogledd Iwerddon. Y nod yw cyflwyno’r cynllun ariannu a dod â chydweithredwyr posibl at ei gilydd.
Cynhelir digwyddiad rhwydweithio ar gyfer sefydliadau yng Nghymru yn Neuadd Hoddinott y BBC (yng Nghanolfan Mileniwm Cymru) ym Mae Caerdydd ddydd Llun 18 Tachwedd. Bydd yn cynnwys gweithgareddau diddorol sydd wedi’u cynllunio i sbarduno sgyrsiau rhwng academyddion a phartneriaid anacademaidd. Mae’r sesiwn ar agor i academyddion, sefydliadau cerddorol, elusennau a gweithwyr llawrydd sydd â diddordeb mewn cyflwyno cais am gyllid prosiect (£75,000 - £100,000 fesul prosiect).
I gael rhagor o wybodaeth, cliciwch y ddolen.