Treuliodd Common/Wealth bymtheg mlynedd yn gweithio ar flaen y gad ym myd theatr wleidyddol. Yn eu llyfr newydd, Do It Yourself, maen nhw'n rhannu eu dull arbrofol ac ymgyrchol o greu perfformiadau, yn seiliedig ar egwyddorion DIY a'r gred y gellir creu theatr arloesol gydag unrhyw un, mewn unrhyw le, mewn ffyrdd sy'n wirioneddol taro deuddeg â'r cymunedau y mae'n eu gwasanaethu.
Mae Do It Yourself yn cyflwyno ethos artistig a gwleidyddol Common/Wealth, gan roi cipolwg unigryw ar eu perfformiadau mwyaf arwyddocaol ac yn cynnig ymarferion ymarferol ar gyfer creu eich gwaith eich hun. Ond nid llawlyfr yn unig mo hwn. Mae'n ddathliad o ddiwylliant fel ymdrech ar y cyd, un a all herio'r statusquo ac ysbrydoli newid.
Dathlwch y lansiad gyda pherfformiadau wedi'u curadu gan y cwmni.
‘Mae Common/Wealth yn brwydro yn erbyn y diffyg teimlad a’r datgysylltiad sy’n ganlyniad i’r bywyd ôl-gyfalafol gyda gweithredoedd syml o gysylltiad rhyfeddol. Mae eu gwaith yn bwerus, yn llawen, yn bwrpasol, ac yn llawn gonestrwydd. Maen nhw’n gwneud theatr sy’n poeni am bobl, ac y mae pobl yn poeni amdano. Mae’r llyfr hwn yn rhannu sut.’ — Kae Tempest
Dydd Mawrth 4 Tachwedd 2025, 7.30yh
Canolfan Gelfyddydau Chapter