Mae Theatre Green Book UK, y fenter llawr gwlad sy’n gosod safonau cyffredin ar gyfer theatr gynaliadwy ar draws pob maes o ymarfer a gweithredu theatr, wedi cyhoeddi ail gyfrol ac ystod o offer gyda’r nod o gefnogi sector theatr y DU i gyrraedd sero net erbyn 2030. Hefyd wedi’i gyhoeddi heddiw, mae Theatre Green Book UK wedi sicrhau cyllid i gyflogi Cyfarwyddwr a chefnogi lledaeniad y Theatre Green Book ledled y DU.
Wedi'i gefnogi gan wefan wedi'i diweddaru, mae ail argraffiad Theatre Green Book UK yn cyfuno tair cyfrol y llyfr gwreiddiol. Mae'n nodi'n glir ac yn graffigol sut i gynllunio'r newid i sero net ar draws pob maes - cynyrchiadau, gweithrediadau ac adeiladau - trwy gamau rhesymegol Sylfaenol, Canolradd ac Uwch. Ychwanegwyd cam cychwynnol, Rhagarweiniol, sy’n ysgogi cwmnïau theatr i ymrwymo i bontio a threfnu eu hunain ar gyfer y daith. Gan ddefnyddio'r ysgol honno, o'r Rhagarweiniol i'r Uwch, gall theatrau hunanardystio pob gris o'u pontio tuag at sero net. Mae’r strwythur clir hwn yn galluogi theatrau i ymrwymo i sero net erbyn 2030, gan wybod yn union beth sydd angen ei wneud i gyrraedd y targed hwnnw.
Mae'r wefan wedi'i diweddaru yn cynnwys nodwedd gofrestru newydd sy'n rhoi mynediad i fforymau cymunedol, tudalennau cefnogwyr, digwyddiadau sydd i ddod, a'r cyfle i gymryd mwy o ran.
Bydd cefnogaeth gan The Foyle Foundation, Frederick Mulder Foundation, Steel Charitable Trust, Unusual Rigging ac eraill, yn ariannu penodiad Cyfarwyddwr am 12 mis, rhaglen o lansiadau a digwyddiadau hyfforddi ledled y DU a chynhadledd Theatre Green Book Ryngwladol arfaethedig yn ystod gwanwyn 2025. Mae ceisiadau nawr ar agor ar gyfer rôl y Cyfarwyddwr a'r dyddiad cau yw canol dydd ar 1 Gorffennaf.
Ewch i theatregreenbook.com i ddarganfod mwy.
Bydd cyfres o ddigwyddiadau yn cael eu cynnal dros y misoedd nesaf i rannu'r rhifyn newydd a'r offer ar draws y sector.