Rheolwr Prosiect

Rheolwr Prosiect, Live Music Now Cymru

Prif Ddyletswyddau a Chyfrifoldebau:

Rheoli Prosiectau

• Pob agwedd ar reoli prosiect gan gynnwys; creu a rheoli cynlluniau prosiect, fframweithiau gwerthuso, ffrydiau ariannol, cyllidebau, creu contractau, sicrhau adborth, adroddiadau arianwyr, cofnodi mewn cronfeydd data, cynlluniau cyfathrebu a lliniaru risgiau
• Rheoli ystod o brosiectau a phreswylfeydd cerddorol, dan gyfarwyddyd y Cyfarwyddwr Cenedlaethol, ar amser ac o fewn cyllideb, gan gynnwys datblygu briff y prosiect, amserlennu, cysylltu â cherddorion a llywyddion, a chofnodi’n gywir incwm a gwariant ar weithgareddau.  
• Mabwysiadu dull gwella parhaus o ran ymarfer gwaith gan gynnwys bod yn ymwybodol o gerddoriaeth, codi arian ac adroddiadau, ystadegau a thueddiadau ar draws Cymru. Rhoi gwybod i reolwyr llinell am argymhellion a risgiau strategol mewn ymateb i hyn
• Ymweliadau safle achlysurol i weld gweithgarwch ar brosiect;
• Gweithio gyda’r Cyfarwyddwr Cenedlaethol a’r Cyfarwyddwr Rhaglen Strategol perthnasol i sicrhau bod gweithdrefnau monitro a gwerthuso priodol ar waith, a bod adroddiadau cywir yn cael eu cyflwyno i arianwyr erbyn terfynau amser;
• Cysylltu â cherddorion a phartneriaid i ddogfennu gweithgareddau drwy ffotograffau, ffilm a sain mewn ymgynghoriad â staff perthnasol Live Music Now, a sicrhau bod cysyniad priodol ar waith;
• Paratoi adroddiadau’n ôl y gofyn at ddefnydd mewnol ac allanol.

Codi Arian

• Ymchwilio i gyfleoedd ariannu, terfynau amser i’w cyflwyno ac ysgrifennu ceisiadau gyda chymorth y Cyfarwyddwr Cenedlaethol a’r Rheolwr Ymddiriedolaethau a Sefydliadau;
• Bwrw targedau codi arian misol a blynyddol;
• Rheoli perthnasau â chodwyr arian, gan gydymffurfio â phrotocolau stiwardiaeth arianwyr a pharatoi adroddiadau diwedd prosiect gyda chymorth y Cyfarwyddwr Cenedlaethol;
• Sicrhau comisiynau gan ystod o bartneriaid, newydd a hen ar gyfer rhaglenni Live Music Now;
• Cynnal cofnodion incwm, gwariant ac incwm a ragfynegir cywir i’w hadrodd yn fisol i’r Cyfarwyddwr Cenedlaethol.

Gweinyddu

• Cofnodi digwyddiadau ar gronfa ddata (Blackbaud's Raiser's Edge), creu contractau ac amserlenni i gerddorion a lleoliadau;
• Ceisio adborth/gwerthuso gan leoliadau, y sawl sy’n cymryd rhan a cherddorion a’i gofnodi ar feddalwedd cronfa ddata/arolwg yn ôl y gofyn; dadansoddiad misol o adborth ac arolygon;
• Sicrhau bod manylion cyswllt cerddorion, partneriaid a lleoliadau’n gyfredol ar y gronfa ddata;
• Cadw ystafelloedd ar gyfer hyfforddiant ac ati yn ôl y gofyn;
• Rheoli offer i’w roi ar fenthyg i gerddorion: iPads, allweddellau, offerynnau taro ac ati;
• Bod yn rhagweithiol wrth weithio mewn tîm a gwneud gwelliannau i ymarfer, dylunio sesiynau cyfarfod tîm a rhannu profiad fel rhan o dull gwelliant parhaus yn y rôl hon a gwaith ehangach Live Music Now.

Cyllid

• Tasgau llywodraethu misol gan gynnwys cofnodi llif ariannol prosiect, rheoli cyllid sydd i ddod, prosesu anfonebau ac amlygu risgiau a chyfleoedd ariannol i’r Cyfarwyddwr Cenedlaethol.

Marchnata a Chyfathrebu

• Eirioli dros waith ac effaith Live Music Now yn fewnol ac yn allanol. Defnyddio profiad i reoli ein prosiectau i gasglu gwybodaeth prosiect, delweddau a dyfyniadau ar gyfer diweddariadau ar wefan a chyfryngau cymdeithasol Live Music Now;
• Creu taflenni a deunyddiau marchnata gan ddefnyddio Canva a Flickr (rhoddir hyfforddiant) a dylunio a darparu cyfathrebiadau hyrwyddo’r sefydliad.

Rheoli Cerddorion

• Cynorthwyo’r Cyfarwyddwr Cenedlaethol i gysylltu â cherddorion, deall eu sgiliau, nodau datblygu a’r ffordd orau y gallwn feithrin perthynas sydd o fudd i’r ddwy ochr;
• Rheoli gwiriadau GDG i gerddorion yn unol â pholisi Diogelu Live Music Now.

Rheoli Llinell

• Dyrannu tasgau i reolwyr prosiect llawrydd yn achlysurol.

Tasgau ychwanegol

• Dirprwyo’n achlysurol i’r Cyfarwyddwr Cenedlaethol mewn digwyddiadau mewnol ac allanol;
• Cyflawni unrhyw ddyletswyddau eraill fel y gofynnir gan y Cyfarwyddwr Cenedlaethol, sy’n berthnasol i Live Music Now.
  
   

Telerau ac Amodau

Mae hon yn swydd â chontract parhaol.

Y cyflog fydd £28,000 y flwyddyn am 30 awr yr wythnos ac fe’i telir bob mis.

Dyddiad cau i dderbyn cais: 9yb, Dydd Llun 1 Gorffennaf 2024