Penwythnos o ddigwyddiadau i ddathlu ein cyfaill a’n cydweithiwr – Emyr Glyn Williams (Emyr Ankst)
4-6/10/24
Mae Pontio yn cyflwyno penwythnos o ddigwyddiadau arbennig fis Hydref i ddathlu a chofio ein cyfaill a chydweithiwr, Emyr Glyn Williams (Emyr Ankst).
Psylence oedd un o’r digwyddiadau mwyaf cyffrous i Emyr gydlynu yn ei waith yma’n Pontio gyda bandiau megis Datblygu, Adwaith, ac R. Seiliog yn gosod cerddoriaeth a’i berfformio’n fyw i ffilmiau megis: Kiss gan Andy Warhol, ffilmiau byr Maya Deren, Earth gan Dovzhenko, a llawer iawn mwy.
Dywediad Emyr oedd ‘adeilada fo, a mi ddown nhw’ – felly dyma ni yn adeiladu ar un o’i ddigwyddiadau mwyaf beiddgar, arloesol a chyffrous gyda phenwythnos cyfan o ddigwyddiadau; Psylence 2024 fydd y mwyaf eto.
Bydd elw'r digwyddiadau yn mynd i Ymchwil Canser y DU, a ddewiswyd gan deulu Emyr.
Rhagor o artistiaid a digwyddiadau i'w cyhoeddi hefyd!