Taking Flight mewn cydweithrediad â Theatr y Sherman, yn cyflwyno

Martha

Wedi’i sgwennu gan Elise Davison a Stephanie Bailey-Scott 

Cyfarwyddwyd gan Elise Davison 

2055.

Mae’r Rhaglen wedi gyrru Byddardod dan-ddaear. Mae defnyddio iaith arwyddion wedi ei wahardd ac mae’n weithred brotest radicalaidd sy’n ennyn drwgdybiaeth a gorthrwm.

Ydy clwb cabaret Martha yn loches groesawgar i leiafrif gwaharddedig, yn noddfa i derfysgwyr posibl, neu’n rywbeth hyd yn oed yn fwy sinistr?

Wrth i Edith geisio sleifio i mewn i’r gymuned warchodedig hon, caiff ei byd i chwalu pan ddaw storïau cudd, cyfrinachau teuluol a chelwyddau’r wladwriaeth yn ffrwydrol i’r golwg.

Drama newydd ddeifiol gan gwmni theatr hygyrch arweiniol Cymru, bydd Martha yn cael ei berfformio yn Iaith Arwyddion Prydain sef BSL a Saesneg ar lafar gyda chapsiynau creadigol a sain ddisgrifiad integredig. 

Bydd perfformiadau’n rhedeg o’r trydydd ar ddeg tan y cyntaf ar hugain o Fehefin yn Theatr Y Sherman, Caerdydd.

Cefnogwyd gan CCC ac Unlimited.