Dros ddeuddydd, bydd Summit yn darparu gweithdai, sgyrsiau ysbrydoledig, a chyfleoedd i rwydweithio i'r sawl sy'n gweithio neu'n bwriadu cychwyn gyrfa yn niwydiant cerddoriaeth Cymru.
DYDD MAWRTH 18fed CHWEFROR - 'ATSEINIO' @ Utilita Arena, Caerdydd
Mae Beacons Cymru ac Anthem yn dod ynghyd unwaith eto yn 2025 i gyflwyno ail rifyn Atseinio – diwrnod sy’n dod â phawb at ei gilydd sydd â rhan yng ngherddoriaeth ieuenctid Cymru.
Ymunwch â ni ar ddydd Mawrth 18fed o Chwefror yn Arena Utilita, Caerdydd ar gyfer trafodaeth sector gyfan, darganfyddiad blaengar manwl a rhwydweithio ar sut i greu Cymru ble gallwn gynnal a datblygu gweithwyr proffesiynol ifanc ac uchelgeisiol yn y diwydiant.
Byddwn yn dod â gweithwyr proffesiynol ynghyd o’r byd addysg, y sector gyhoeddus, gwasanaethau celfyddydol, lleoliadau cerddoriaeth, sefydliadau datblygu a mwy i helpu i lunio dyfodol Cymru.
DYDD MERCHER 19eg CHWEFROR - 'SUMMIT' @ The Gate & Porters, Caerdydd
Mae Summit gan Beacons Cymru yn dychwelyd ar gyfer 2025. Ymunwch â ni yn The Gate, Caerdydd ar y 19eg o Chwefror 2025 am ddiwrnod o uwchsgilio rhyngweithiol, gweithdai a rhwydweithio, gyda siaradwyr o’r sin gerddoriaeth leol, a’r rhai sy’n gweithio ar lefel genedlaethol yng Nghymru a gweddill y DU.
Os ydych yn ymwneud â cherddoriaeth ar unrhyw lefel ac yn gobeithio cael gwell dealltwriaeth o’r diwydiant cerddoriaeth – fel artist, cynhyrchydd, rheolwr, hyrwyddwr, myfyriwr, darpar weithiwr proffesiynol neu os oes gennych unrhyw ddiddordeb mewn dilyn gyrfa yn y diwydiant cerddoriaeth, dewch draw i ddarganfod mwy gan arbenigwyr blaenllaw yn y diwydiant yn eu maes.