Nod y gronfa yw annog grwpiau gwirfoddol a chymunedol, sy’n rhan o’u cymunedau ledled Cymru, i gynnal gweithgarwch artistig, yn enwedig mewn ardaloedd sydd â llai o gyfleoedd creadigol neu ardaloedd sy’n cael eu tangynrychioli yn ein cyllid.
Byddwn yn cynnig grantiau o hyd at £1,500 am brosiectau celfyddydol untro i sefydliadau gynnal gweithgarwch sy'n canolbwyntio ar gyfranogi.
- Pwy sy’n gallu ymgeisio?
Sefydliadau. Darllenwch y meini prawf isod i weld a ydych yn gymwys i gael grant.
Darllenwch ein meini prawf i sefydliadau
Ond nid oes modd i’r canlynol ymgeisio:
- cwmnïau cyfyngedig drwy gyfranddaliadau
- sefydliadau y tu allan i Gymru
Byddwn yn rhoi blaenoriaeth i grwpiau gwirfoddol a chymunedol nid-er-elw nad ydynt wedi cael arian gennym o’r blaen.
- Am beth mae modd ymgeisio?
Rydym am roi grantiau i brosiectau yn y celfyddydau rydym yn eu hariannu. Byddwn yn rhoi cyfle i bobl o gymunedau ledled y wlad gymryd rhan mewn gweithgarwch creadigol.
Ein nod yw eich galluogi i gyflwyno prosiectau celfyddydol ar raddfa fach sy'n cyfrannu at dwf cymunedol y celfyddydau i gynulleidfaoedd hen a newydd sy'n adlewyrchu amrywiaeth ein cymdeithas, ein hieithoedd a’n diwylliant. Y broses o ymgysylltu yw ein blaenoriaeth yn hytrach na'r cynnyrch ei hun.
Rhagor o wybodaeth ddefnyddiol - Cymryd rhan ac ymgysylltiad cymunedol
Os mai Cerddoriaeth yw ffocws eich prosiect, efallai y byddai rhaglenni ariannu Tŷ Cerdd yn fwy addas i chi.
Os mai Llenyddiaeth yw ffocws eich prosiect, efallai y byddai rhaglenni ariannu Llenyddiaeth Cymru yn fwy addas i chi.
- Beth rydym yn ei ddisgwyl o'ch prosiect?
Rhaid i'ch prosiect ddigwydd yn eich cymuned yng Nghymru.
- Rydym eisiau ariannu prosiectau a gweithgarwch sy'n cynnwys cymunedau yn eu datblygiad.
Rhaid i'ch prosiect ategu a gwella eich rhaglen o weithgarwch arferol
- Ni ddylai fod yn rhan o'ch gweithgarwch craidd na chynnwys costau craidd.
Rhaid i'ch prosiect gynnwys cydweithiwr artistig i gyflwyno'r gweithgarwch. Mae’n gallu bod yn artist unigol, cydweithfa neu sefydliad celfyddydol.
- Rhaid i'r partner fod â hanes hysbys o gyflwyno gweithgarwch artistig. Rhaid cyflwyno tystiolaeth o'i waith blaenorol (dolenni gwe, erthyglau, CV, ac ati).
Rhaid i'ch prosiect fod yn gyfyngedig o ran amser
- Rhaid iddo ddechrau a gorffen ar ddyddiad pendant. Bydd digon o amser yn ystod eich prosiect i gyflawni'r gwaith yn effeithiol. Mae hyn o bwys wrth drafod unrhyw waith hyrwyddo, datblygu cynulleidfa neu allgymorth.
Rhaid ichi ganiatáu digon o amser sy’n arwain at y prosiect
- Rhaid cael o leiaf 8 wythnos waith rhwng dyddiad cyflwyno eich cais a dyddiad dechrau eich prosiect. Mae hi hefyd werth cynnwys amser ychwanegol rhag ofn bod angen ichi anfon rhagor o wybodaeth atom ar ôl derbyn y grant.
Rhaid ystyried yr amser mae’n ei gymryd i chi ddatblygu eich cais a'r amser y mae'n ei gymryd i ni ei brosesu a phenderfynu arno.
- Ein blaenoriaethau ni a'ch cynnig chi
Bydd eich cynnig yn dangos yn glir sut y bydd yn cefnogi un neu ragor o'r egwyddorion yn ein cynllun corfforaethol:
Creadigrwydd - mae ym mhopeth a phawb rydym yn ei gefnogi. Rydym am weld datblygu amrywiaeth o gelfyddydau ac arferion creadigol gyda golwg ar y gynulleidfa a’r gymuned gan annog arloesedd artistig o safon.
Cydraddoldeb ac ymgysylltu - cyrraedd cymunedau sydd wedi'u tangynrychioli, yn ddiwylliannol, daearyddol, cymdeithasol ac economaidd. Cael gwared ar y rhwystrau a'r anawsterau wrth brofi'r celfyddydau a sicrhau bod pobl o gymunedau amrywiol yn cael eu cynrychioli'n llawn yn y gweithlu, yn arweinwyr, penderfynwyr, crewyr, ymwelwyr, cyfranogwyr ac aelodau o'r gynulleidfa.
Y Gymraeg – datblygu cyfleoedd creadigol sy'n cyfrannu at dwf yn y defnydd o’r Gymraeg a'r berchnogaeth arni a chefnogi sector y celfyddydau i roi'r Gymraeg wrth wraidd creadigrwydd a chymunedau.
Cyfiawnder hinsawdd - cefnogi sector y celfyddydau i ddatblygu creadigrwydd sy'n ysbrydoli pobl i weithredu dros gyfiawnder hinsawdd gan weithio tuag at sector celfyddydol sy’n amgylcheddol-gynaliadwy ac sy'n gyfrifol yn fyd-eang.
Datblygu talent - sicrhau llwybrau sy'n caniatáu i bobl o bob cefndir ddatblygu gyrfa, sgiliau a medrau arwain creadigol a chynaliadwy. Cydweithio i sicrhau bod gwaith a chyfleoedd teg i artistiaid a gwell canlyniadau i’n pobl.
Trawsnewid - cryfhau gallu'r celfyddydau i fod yn fwy deinamig a chynaliadwy. Bod yn ddigon ystwyth a hyderus i fentro, creu gwytnwch ac ymateb i newid wrth barhau i fod yn berthnasol i’n pobl a’n cymunedau.
Byddwn yn disgwyl i bopeth sy’n cael arian o’r gronfa ddangos ymrwymiad i egwyddorion Deddf Cenedlaethau’r Dyfodol 2015 - FGC - CYM gan Lywodraeth Cymru.
- Am faint mae modd ymgeisio?
- £500 hyd £1,500
Bydd modd ichi ofyn am hyd at 100% o gostau eich prosiect. I gael gwybod mwy am eich costau gan gynnwys pa gostau sy’n gymwys a ffioedd artistiaid, cliciwch yma.
- Dyddiadau cau
Nid oes dyddiadau cau i Gymunedau Creadigol ond rhaid gadael o leiaf 8 wythnos waith rhwng dyddiad cyflwyno eich cais a dyddiad dechrau eich prosiect.
Nid oes modd inni ariannu prosiectau sydd eisoes wedi cychwyn. Ni fyddwn yn derbyn eich cais os yw dyddiad dechrau’r prosiect wedi bod cyn inni gael y cyfle i asesu eich cais.
Rhaid i bob cais fod yn gyflawn. I gael gwybod rhagor am ein proses asesu, cliciwch yma: proses ymgeisio.
- Beth yw'r meini prawf?
Yn anffodus, nid oes modd ariannu pob cais sy'n cael ei gyflwyno.. Rydym yn derbyn mwy o geisiadau nag y gallwn eu hariannu, ac mae'n rhaid i ni wneud penderfyniadau anodd ynghylch pa geisiadau i'w blaenoriaethu.
Byddwn yn asesu ceisiadau'n ôl y meini prawf canlynol:
- Ansawdd, cryfder ac arloesedd artistig a chyfansoddiad y tîm creadigol. Rydym yn disgwyl gweld cyfleoedd â thâl priodol i bobl greadigol, gwneuthurwyr ac artistiaid llawrydd: ffïoedd artistiaid
- Cryfder y cais i gyflawni ein blaenoriaethau corfforaethol
- Effaith bosibl y prosiect nawr ac yn y dyfodol a’i fudd i eraill o ran y rhai sydd wedi'u tangynrychioli yn ein gwaith a'n hariannu
- Ansawdd y cysylltiadau a'r partneriaethau sydd ar waith neu sy'n cael eu datblygu i gefnogi gwireddu’r prosiect.
- Cryfder rheoli prosiect a'r cynlluniau ariannol sydd ar waith i gyflawni'r prosiect a sicrhau defnydd priodol o arian cyhoeddus
Byddwn hefyd yn ystyried gwasgariad daearyddol gweithgarwch yn ein penderfyniadau.
Yn anffodus, oherwydd y galw mawr rydym yn ei ddisgwyl, ni fydd modd inni gynnig adborth manwl am ein penderfyniad.
- Pa gwestiynau sydd angen i’w hateb?
Mae templed o'r ffurflen gais i’w weld yn yr adran cymorth isod. Rydym yn gofyn am eich costau yn y ffurflen gais ei hun (felly nid oes angen llenwi cyllideb ar wahân).
Byddwn hefyd yn gofyn am gopi o’r ohebiaeth (e-byst/llythyrau) gan y partner cyflenwi sy'n cadarnhau ei fod yn rhan o'r prosiect, dolen i'w waith a'i ffi.
- Gofynion yr adroddiad diweddu
Os yw'ch prosiect yn llwyddo, rhaid cyflwyno’r adroddiad diweddu ar ôl i’r prosiect ddod i ben, sydd ymhlith y Dogfennau Allweddol isod. Bydd yn fodd inni ddeall sut aeth y prosiect a sut roedd y grant wedi’i defnyddio. Bydd hefyd yn gyfle ichi feddwl am yr hyn a aeth yn dda a’r hyn nad aeth cystal i’w wella yn y dyfodol.
Rydym am ddathlu llwyddiant y prosiectau rydym yn eu hariannu. Felly rydym yn disgwyl ichi gyflwyno enghreifftiau, lluniau ac unrhyw fideos o’r gwaith.
- Mae arnaf angen cymorth hygyrchedd
Rydym yn darparu gwybodaeth mewn print bras, Braille, sain, Hawdd ei Ddarllen ac Arwyddeg. Byddwn hefyd yn ceisio darparu gwybodaeth mewn ieithoedd heblaw am y Gymraeg a’r Saesneg ar gais.
Os oes arnoch angen cymorth hygyrchedd, mae rhagor amdano yma.
- Dolenni cyflym
- Mae gennyf gwestiwn
Os ydych wedi darllen y wybodaeth ond mae gennych gwestiwn o hyd, darllenwch y Cwestiynau Cyffredin yn gyntaf. Efallai fod yr ateb yno. Am ragor o wybodaeth, e-bostiwch: grantiau@celf.cymru neu ffoniwch: 03301 242733
Na fydd. Nod y gronfa yw cynnal gweithgarwch, fel gweithdai. I gynnal perfformiad, ystyriwch ein cynllun, Noson Allan.
Na fydd. Bwriad y grant yw cefnogi gweithgarwch celfyddydol newydd neu ychwanegol yn eich cymuned. Er enghraifft, dod ag artist proffesiynol nad ydych wedi gweithio gydag ef o'r blaen i gynnal gweithdai.
Oes. Mae modd enwi partneriaid cyflenwi ar fwy nag un cais. Ein gobaith yw gweld cyfleoedd i ystod o artistiaid/sefydliadau celfyddydol weithio gyda chymunedau ledled Cymru. Ond hoffwn weld y cymunedau yn gyrru’r prosiect. Dylai cynigion ddangos sut mae eu partner cyflawni’n berthnasol a sut byddant yn cyd-fynd â'r prosiect ac anghenion y gymuned.
Nac oes. Inni allu asesu’r cais, rhaid enwi’r partner cyflenwi. Ni fyddwn yn derbyn ceisiadau heb fanylion y partner cyflenwi.
Oes, rhaid i'r gweithgarwch neu'r gweithdai gael eu cyflwyno gan sefydliad celfyddydol neu ymarferydd creadigol/artist sydd yng Nghymru.
Oes. Mae modd ichi ymgeisio fwy nag unwaith cyn belled â bod eich grant blaenorol wedi dod i ben, a'ch bod wedi cyflwyno eich adroddiad diweddu.
Ond ein gobaith yw cyrraedd llawer o gymunedau ledled y wlad. Felly rhoddir blaenoriaeth i grwpiau yng Nghymru nad ydynt wedi derbyn ein cyllid o'r blaen.
Nac oes. Mae'r gronfa yn agored i sefydliadau sy'n gallu dangos eu bod yn gymwys yn ôl ein canllawiau: Cymhwysedd - Sefydliadau
Ond nid oes modd i’r canlynol ymgeisio:
- Cwmnïau cyfyngedig drwy gyfranddaliadau
- Sefydliadau y tu allan i Gymru
Oes. Ond rhaid inni wybod bod gennych ganiatâd i greu'r gwaith yno a chadarnhad o bwy fydd yn gwneud y gwaith cynnal a chadw wedyn. Ein blaenoriaeth yw'r broses a'r ymgysylltiad yn hytrach na'r canlyniad.